Fiesta de Fin de Curso.

Ola a todo o ghaliñeiro!

Eiquí Marta ao aparato para contarvos de primeira man como foi a nosa festa de fin de curso (sí., xa sei que eu xa acabara as prácticas facía uns meses pero é que o Ghaliñeiro engancha moito e unha non é capaz de vivir sen el). Imos aló.

O día comezou cunha sorpresa inesperada por moitos, xa que algunhas ghaliñas decidiron invitar a unha amiga miña chamada Ángela a nosa festa. Polo tanto, en canto o timbre sonou, todos a atoparon na clase.

Cando chegaron todos, repartimos o traballo e puxémonos a funcionar ao 200%. E vós vos preguntaredes: Que traballo se xa era o último día?. Pois ben, resulta que a maravillosa profe Loli sempre ten algo en mente para facer dunha festa normal e corriente algo único e inigualable. 

Dividimos a clase en 4 grupos e cada grupo tiña asignada unha tarefa distinta: Un grupo encargaríase de decorar toda a clase para a ocasión; outro faría pan-pizzas; outro encargaríase da elaboración dunhas riquisísimas trufas de chocolate; e por último, pero non menos importante, outro grupo faría un delicioso bizcoito.

Cando todos os grupos remataron, pasamos a colocar ben tódalas mesas da clase e a abrir e colocar os gusanitos, patatas, cheetos, etc. En resumen, unha festa á que non lle faltou de nada.

Unha vez feito todo o traballo solo nos quedaba DIVERTIRNOS. E así foi, comimos ata rebentar, bebimos moitísimo, bailamos, cantamos, e XOGAMOS AO SING STAR. Cabe destacar que a canción "Me muero" de "La quinta estación" foi a estrela da festa.

Durante toda a mañán tivemos visitas de todos os compañeiros de sexto e ata viñeron unhas nenas de terceiro que nos deleitaron cun precioso baile.

Pero a cousa non remata aquí, amigos, cando a profe Loli menos o esperaba, nós lle dimos unha sorpresa moi grande que lle tíñamos preparada polo ben que se portou con todos nós durante todo o curso (no meu caso durante algo máis de tempo jaja). E démoslle uns agasallos que lle compramos, e fixemos entre todos. ¡Encantáronlle!

Aínda que tamén houbo sorpresa para os rapaces, xa que Loli lles regalou unha lanterna a cada un para que non perdan a luz que os guíe no seu próximo camiño no instituto. E eu regaleilles a cada un unha foto de grupo na que salen tal e como son cada un deles.

Chegou a hora de recoller e de marchar por última vez do querido colexio. Chegaron as bágoas de alegría mesturadas con algo de nostalxia. Chegaron as despedidas. Pero eles saben que aínda que a súa etapa no colexio rematara, quédanlles moitas aventuras máis por vivir, moitos contos que inventar, moitos cacarexos que soltar e sobre todo moitas risas que compartir todos xuntos. E se ides a institutos diferentes, iso só supoñerá coñecer moita xente nova e facer moitos máis amigos pero nunca, NUNCA, deixar atrás os que xa tedes.

A min só me queda agradecervos a todos por facerme pasar un ano tan especial ao voso lado. Por tratarme tan ben. Por deixarme coñecervos e querervos e por facerme sentir unha ghaliña máis do voso ghaliñeiro. 

¡QUE PASEDES TODOS E TODAS UN BO, FANTÁSTICO E INOLVIDABLE VERÁN!

Marta.