Benvidos de novo ao departamento de Ciencias naturais !


1º. Copia o esquema na túa libreta ( recorda facelo con colores para que quede más visual )


4. As aves

As aves viven e crían na maioría dos hábitats terrestres.

Son animais vertebrados que teñen as súas extremidades anteriores modificadas como ás. As ás e outras adaptacións do seu corpo permítenlles voar, pero algunhas, como a avestruz, non o poden facer. Ademais de voar as aves poden camiñar, dar chimpos ou manterse erguidas sobre as súas patas, incluso hai algunhas que poden nadar.

Características 

Autoría: Andreas Trepte

Picapeixe

As aves teñen as seguintes características xerais:

• Teñen ás e patas.

• Reprodúcense por fecundación interna.
• Son ovíparas. As femias poñen ovos que incuban coa calor do seu corpo ata que se produce a eclosióne nace a cría.
• Respiran por pulmóns. Os pulmóns comunícanse cos sacos aéreos que son órganos que se enchen e baleiran de aire durante a respiración.
• Posúen un peteiro sen dentes. Os peteiros das aves teñen formas diferentes segundo o tipo de alimentación.
• Teñen ósos ocos, así pesan menos e poden voar con máis facilidade.
• Teñen a pel cuberta de plumas.
• Posúen catro extremidades. As posteriores son patas e as anteriores ás.
• Manteñen a temperatura do seu corpo estable, tanto se vai frío coma se vai calor.

Alimentación

Segundo o alimento que comen as aves agrúpanse en:

• Herbívoras. Aliméntanse de plantas. Os gansos e as perdices son herbívoros.
• Carnívoras. Aliméntanse de carne. Por exemplo a aguia e a anduriña son carnívoras. Algúns carnívoros son carroñeiros. Non cazan as súas presas senón que se alimentan de animais mortos, por exemplo, o voitre.
• Omnívoras. Aliméntanse de plantas e carne. A galiña e a pomba son omnívoras.

       2º.Copia na túa libreta as características das aves.

• 3º. 
  Ao igual que os mamíferos, algunhas aves teñen unha dieta moi especializada. Por exemplo, algunhas son granívoras e outras piscívoras. Busca o significado destas palabras e despois di se se trata de animais herbívoros, carnívoros ou omnívoros.
  
  Coma sempre aquí tedes un entretido vídeo.